Bossost.com neishec damb era idèa de promòir eth nòste pòble, èster veirina deth sòn batanar diari, des vòstes inquietuds, mès coma tostemp quinsevolh iniciatiua que s'amie a tèrme en aguest pòble està condemnada a morir abantes de nèisher.
An estat cinc ans de plan esfòrç e plan temps dedicat; esfòrç que des des institucions a estat totaument ignorat e tanben an sabut profitar-se en benefici pròpri, e entad açò era mòstra des huelhetons publicitaris de Bossòst a on apareish aguesta pagina coma se'e tractèsse dera pagina oficiau der Ajuntament.
Auer de sofrir un jutjament entà deféner es contenguts dera web, probablament a estat era gota qu'aumplís eth veire, jutjament en quau sò declarat innocent mès non me liure açò er auer de cargar damb es còsti dera defensa. Enquia aciu è pogut arribar, s'acabèc.
A compdar d'aué qui volgue ua web de promocion deth sòn pòble que la pague, o que se guarde era deth vesin (per exemple Les), per cèrt quinsevolha dia er Ajuntament mos estonarà damb ua naua web (aguest viatge no les importarà pagar çò que sigue), donques qu'enregistrèren eth passat mes de junh un domèni entad açò.
Bossòst definitiuament està mòrt e enterrat. Rebrembatz qu'eth pròplèu mes de mai torne eth nòste show particular: es eleccions municipaus. Eth fòrum aguest viatge non estarà tan animat, donques qu'era gent non pòt amagar era sua cobardía dempús dera anonimat coma en anteriores ocasions, entà deishar anar totes es sues acusacions e pegaries.
Des d'aciu eth mèn arregraïment a «Lole», er unic vesin de Bossòst que m'a ajudat en aguesta iniciatiua.
There Is A Light That Never Goes Out
0 comentarios:
Publica un comentari