Gloria

Es aranesi auram un nau Sindic.

Enhorabona Sr.Boya!

Un gran “colofon” per ua dilatada carrèra politica, sense dobte çò de mès prestigiós cargue entà quinsevolh aranés que se digne d’èster.

Auem pogut veir ua bona campanha per part d’UA, ua campanha limpia, argumentada e trabalhada a consciéncia des dera paraula, damb ua soleta intencion convéncer ath major numerò d’aranesi que pausen un nau projècte. Eth resultat a estat fòrça ajustat, non serà ua legislatura facila, era meitat des aranesi non an dat eth sòn supòrt ad aguest projècte e son fòrça ans de Barrera, mès cau governar entà TOTI es aranesi.

“Sinatra” des dera sua poltrona de votz deth Conselh ja apunte a vendettes, non i estongui d’acòrd, ara òc, ua causa ei clara toti es cargues de confidança s'an que cambiar e formar ua naua equipa entà governar Aran es pròplèus quate ans. Tanpòc estongui d’acòrd damb eth sòn analisi des 9 vòts, massa facil Sr.Sinatra, igual que CDA a perdut Marcatosa per 9 vòts tanben UA a perdut Lairissa per 14. Non comencen ben. CDA non a perdut eth Conselh, l’a guanhat UA.

Ara ei eth moment de CDA, igual que li a arribat a CiU ara les tòque ada eri. Ei ora de soscar, e de començar a trabalhar per un nau projècte. Non an estat 9 vòts es qu'an hèt dehòra a CDA deth govèrn deth Conselh Generau d’Aran a estat era madeisha CDA, 12 ans son fòrça (massa) e tostemp i a ua fin. 12 ans de poder hèn pèrder eth cap a quinsevolh e hèr desbrembar que hè un aquiu delà e pr'amor que l’an escuelhut. Ei part deth que li a passat a Barrera ara fin confonie eth sòn cargue damb era sua persóna e es causes non foncionen atau, abantes de tot, s’ei Sindic, e non sonque des tòns senon de toti es aranesi. Non voi desbrembar-me dera “Votz”, tostemp è dit que segur que harà fòrça mès trabalh e mès profitos dehòra deth Conselh, i a fòrça manères de hèr país e se de vertat se’l estime ara ei eth moment.

CDA a de hèr ua "refundació" d’eri madeishi, mès tanben ac podem aplicar a UA, non vau endormir-se as laurèrs ara qu'estatz naut. Toti dus partits arrosseguen massa istòria, tanta que les serà un “lastre”. Es tempsi an cambiat e arrés estam dispausadi a deféner cap partit damb idèes decimonòniques, defensam persones, non partits, toti dus an de besonh hèr autocrítica e trèires de sus es vielhes estructures e meter-i naua sang, naues idèes.

Açò madeish ac podetz verificar en Bossòst, UA a apostat per persones, persones non depenentes dera maquinaria deth partit, persones netes que transmeten confidança e non coma enquià ara qu'ère “un aute viatge aguest”, toti estam cansadi qu'es politics mos prometen e prometen e non complisquen arren.

Bossòst a estat tot un èxit, enhorabona Paco!!!

Gloria