Per desgràcia non podí veir eth ja famós debat deth 33; pr'amor qu'en Catalonha çò que passe tad Aran no les interèsse çò de mès minim, de hèt mos an coma "ua causa" coriosa e simpatica que les permet ada eri (es catalans) poder dar exemple en Madrid de com s'a qu'actuar dauant de realitats nacionaus disparières, s'era "cepillada de rebòt" damb er Estatut siguec gran en çò que toque as referéncies en Aran laguens eth madeish ja non cau parlar-ne.
M'è que guidar pes croniques que trapi en quauques webs pròplèus a quauqu'un des dus grani partits.
E damb que me trapi?
Per part de Convergència:
Eth candidat a Sindic per UA-PSC-PM, non aufrís cap argument ne idèa naua entath benestar des aranèsi e araneses."
Per part d'UA:
"Paco Boya a demostrat qu'ei eth melhor Síndic que podem auer.
Paco Boya ei eth melhor Síndic que podem auer pr'amor qu'en debat televisiu enter es candidats ath Conselh Generau a demostrat èster eth mès institucionau, equanim e damb mès capacitat entà exercir eth lideratge de país qu'a de besonh Aran."
Me shaute era politica pera simpla rason que tostemp gessen toti en tot guanhar as debats, toti guanhen o toti mentissen?
Coneishi as dus candidats personalament (de hèt açò en Aran ei facil) causa que me hè complicat hèr un critèri objectiu de qui des dus serie eth mielhor Sindic per Aran.
Er actuau Sindic estèc dauant dera mès grana associacion que i a en Aran, era Societat de Machotes e Valenti Aussís-Jabalís", açò lo convertís en un gran coneixedor dera realitat aranesa e li dèc ua preparacion per actuau cargue que fòrça volerien per eri, tanben trabalhèc a Fecsa (d'aquiu es coneishements de naues tecnologies supausi), sense dobte aguest bagatge ei era preparacion ideau entà portar es règnes des aranesi (non se'e a hèt mès causes donques que non trapi cap sòrta de curriculum sòn).
Un tipe simpatic vaja.
Per contra eth candidat de quèrres, ère un praube electricista aborrit que se dedicaue a escríuer entà aucir eth temps (quina sòrt, guanhèc quauque prèmi Mossen Condó) e guarde per a on, s'interessèc pera politica. Creishec ara ombra politica de "Era Bestia", Medán, junt damb eth autes fondèc UA. Interessat pes tradicions fondèc eth mitic grop folklòric aranés Es Corbilhuèrs (ara ac compagina am Bramatopin). Totun plegat non n'auie pro e gessec des montanyes coma Marco, aprofitec entà corsar sciéncies politiques e entà trèir-se quauqui sòs en tot trabalhar (peth moment ja pòrte ueit ans) tath Parlament Catalan coma deputat.
Un tipe simpatic vaja.
Làstima que tot açò non li da crèdit entà poder èster Sindic, non està sufisentament premanit segons ditz CDA. Ath delà a un aute problèma e aguest mès gran encara e insalvable, çò que ditz ac dèishe per escrit, vedetz eth sòn blòg. Ara ditz qui se ges Sindic se compromet a lutar per ua naua lei d'Aran e dempús deisharie eth cargue de deputat. A on va a parar!
Ostres non auie queigut, açò semble es EEUU!!!, je, je, ei coriós eth poder qu'a era NRA non credetz?
Com podetz verificar es eleccions ath Conselh estan animades, mès e es alcaldables, a on son?
A on ei eth debat Pepe López - Paco Rodríguez? A on ei eth sòn programa?
Rebrembi es darrères eleccions eth fòrum de Bossòst estaue animadissim, quasi 10000 visites, quin ère eth truc? en qu'es messatges podien èster anonimi, atau foncionen es valents, pesi ad açò e a quauques critiques desgraciades (emparades en anonimat) se creèc un bon clima de discussion.
