The Unforgettable Fire

A viatges era gent mos estone, aué simplament è flipat damb Bossòst.

Fòrça viatges è pensat qu'en aguest pòble non vau era pena hèr arren pr'amor que era gent non respon, e quinsevolh projècte quede tostemp en un cu de sac.

Vengui de passejar a Viko, e è flipat, està totòm en carrèr!!!

Mainatges, pair-sénhers, pairs, totòm!!!

Tàs dotze dera net, e açò qu'es hèstes encara non an començat...

Estan toti engalanant es carrèrs pes hèstes, damb ua illusion que hège plan e plan temps que non se sentie per Bossòst.

Desvelhe Bossòst!!!

Per fin auem gescut deth sopor en qu'estàuem installadi toti aguesti darrèri ans.

Chapeau Bossòst!!!

Deman comencen es hèstes, damb ua amassada de penhes, recuperades dempús de quinze ans (bona senhau), penhes me comenten que de mès de quaranta persones, açò semble que pinte ben e auram ua grana hèsta, per desir non serà.

Entà animar-mos auram coma inici de hèstes un concèrt de Bramatopin, s'es mainatges m'ac permeten non m'ac perderè. Profiti aguest tèma entà animar ara nòsta conselhèra de cultura e animar-la a amiar entà dauant. Ei un cas coriós e digne d'estudi aguest d'Aran, resulte qu'en Aran sonque auem dus grops musicaus (que jo sàpie), Es Corbilhuers e Bramatopin, a toti dus està present ua des persones mès dinamiques que coneishi, Paco Boya, e ath darrèr tanben pertanh Maria Vergés, conselhèra de cultura, que succedís? que toti dus pertanhen ath Conselh Generau d'Aran. Jo me demani s'eth 95% des inversions en cultura en Aran provien deth CGA, ei just negar es actuacions des dus unics grops musicaus existents promoigudes des deth Conselh?

I a que guarden en Aran en tot pensar en ua grana Catalonha e en tot sajar entener-la a compdar dera comparacion e me semble que non ei eth cas e non acaben d'enténer qué ei açò der Aran.

Se Bossòst a estat capabla de desvelhar, Aran tanben ac pòt hèr, sonque cau auer fe.

Fòrça nos sentem capinauti d'èster de Bossòst.

Pride



Bones hèstes a toti!!!

Per cèrt a toti aqueri seguidors de "De Noche" vos regali açò: