My Generation

Aguestes cinc persones governaràn Bossòst es pròplèus quate ans: Francisco Rodríguez Miranda, Margarita Barón Palacio, Manuel Barrau Salmerón, Maria Ángeles Medán Noguera, Ignacio Gómez Pérez; o aguestes cinc: José López Ruiz, Daniel Burguete García, José Andrés Madrid Penetró, José Vidal Vidal, Antonio Moga Abo.

Non voi entrar en avaloracions personalizades de cadun d'eri, en prumèr lòc pr'amor que non sò arrés entà jutjar ad arrés, en dusau lòc pr'amor que damb quauqui uns d'eri è fòrça bona relacion d'amistat e es malentesi gasten males jogades.

Sonque preteni enténer qué ei eth mielhor per Bossòst. Continui en tot deféner que votar ua lista ei era pejor des eleccions, segurament des dues listes harie ua bona equipa de govèrn, mès non ac pogui hèr, m'è que tragar eth "lote completo".

Entà començar ua petita anecdòta, se Montilla pòt èster president de Catalonha pr'amor que non pòt èster un Rodríguez o un López alcalde de Bossòst? Eth prumèr cambi ja s'a produsit quinsevolh pòt èster alcalde, non hè manque formar part des "granes familhes" deth pòble. Ath delà es dus candidats an hèt ad a era sua vida eth madeish pendent fòrça ans, simplament coriós.

Començarè pera fin, era lista de CDA, entà començar non i a hemnes, mmmm, malo malo, non començam ben. An sajat hèr ua candidatura equilibrada de "pesi pesadi" deth partit e gent naua (o non autant). En definitiva, non i a estonades, (eth madeish passe ara auta lista). A qui presenten coma futur alcalde? A Pepe, toti lo coneishem, es adjectius me les estauvii, sonque açò: a format aguesti darreri ans part der actuau Ajuntament, mmmm, malo malo, e qu'an hèt pendent aguesti quate ans? Arren.

Era lista d'UA, la trapi mès equilibrada, i a hemnes, e eth partit non i a tan pes (bon, bon, açò ei bon, en un pòble non podem auer caciquismes, ne de familhes ne de partits), as grani des partits no les interèsse es ajuntaments, ei un mielhor bombon eth Conselh (mielhor per toti). Ath candidat toti lo coneishem tanben: Miranda, eth mielhor adjectiu "volentat de hèr" . Damb açò i a pro entà èster era mielhora opcion? Per supausat que non. Ja vos è dit que des dues listes harie ua bona, per tan ne ua ne era auta m'ahisquen eth sufisent entà lançar fusades ar aire.

En conclusion, Bossòst se morís per moments o cercam ua equipa dinamizador, damb desir de trabalhar, de dedicar-i plan temps, de saber méter a toti ath sòn lòc as uns e as auti, de hèr, hèr e hèr. Eth nòste pòble a de besonh un cambi, un revulsiu. Tan de bon auessen es nasi entre es dues listes un viatge passades es eleccions de formar ua bona equipa, mès non me voi enganhar, açò non ac veirè jamès, làstima, mos auram que tragar eth "lote completo".

Bossòst m'aborrís, m'aborrís prigondament, estongui cansat de veir mil iniciatiues que totes acaben en un sac trincat, e açò me met malaut. A on coi ei era mia generacion? Non, jo ei que passi, non, jo ei que non pogui, non, jo ei qu'è un trabalh..., bla, bla, bla. Bossòst a çò que se merite, s'arrés a desir de hèr arren non ac hèm, crotzam toti es braci e a dormir, ja m'ac apariarà un aute... e a plorar plorar e plorar, que trist. M'imagini as qu'an hèt es listes electoraus eth trabalh qu'auràn agut entà escuélher a nau volontaris de mil vesins. Testimonialment quauqui uns se gausen a méter as darrèri des listes o de suplentes as "joeni", ja ,ja, a conha, entà hèr açò ja non ac hèsques e quedaràs mielhor.

Me considèri nacionalista de ment dubèrta, non pugui "tragar" damb es grani partits, o quèrra o dreta, o blanc o nere, "o estás conmigo o contra mi", e eth partit per sus de tot, açò hè mau enes petiti pòbles coma eth nòste.

Eth mielhor exemple a estat Maragall, ara fin mès que nacionalista me trapi "presidencialista", me shaute e plan er onorable Pujol, e me comence a shautar (cada dia mès) eth fòrça onorable Maragall. Quan era pression deth partit no les estofe se hèn grani e grani. Se gausen totun, ara son gent d'estat, tanben recriminen e son critics damb era sua presidéncia e damb eth partit. Era mia fasa "presidencialista" acabe aciu, quan dus "soso-man" estan as dus presidéncies actuaus. Guaire ac trapam a mancat en Aran...

Ar Aran, coma tot arreu, a qui hè autocrítica li talhen es ales.. ara oposicion que me pòt trèir d'a on estongui a sac... e mentre qu'aufritz? Arren.

I a ua linha que non se pòt trauessar e quauqui uns de laguens semble que non s'an assabentat: ei perilhós. Se i a quauquarren illegau denóncia-ac mès non jògues damb huec o te cremaràs segur.

Des d'aciu vos convidi a veir es dus manères de governar que mos prepausen en Aran des de dus des sòns blogs:

Paco Boya, candidat a Síndic per Unitat d'Aran

Joan-Ramon Colomines-Companys era "veu" de CDA, cap de comunicacion deth Conselh Generau d'Aran



Vosati madeishi, cau jogar net, Aran non se merite aguest govèrn.

Qui son es "talibans"?

My Generation

Reggatta de Blanc

Causes que non supòrti:

• Auer un coche de 40 o 60.000 € o mès e non auer telefon o un miserable kit de mans liures! Que les trèiguen toti es punts e les hèsquen membres deth club des imbecils supins.
• Hèr ua dusau ipotèca de casa tua entà poder crompar eth coche d’abantes (d’aguesti en Aran i a fòrça mès deth que vos pensatz)
• A toti es actuaus directius “masters” que van damb eth sòn manuau d’instruccions peth mon en tot pensar-se que sonque damb açò ja ac saben tot, que s’apunten tanben ath club deth punt 1, aguesti e es de seleccion de personau tanben. E l’experiéncia non vau arren?
• A toti es politics que s’an rascat es... pendent tres ans e ara hèn de tot en vistes as pròplèus eleccions deth dia 27. A auer que votar listes barrades, per tot i a bona gent, non m’shaute votar ues sigles coma es “borregos” e que dempús en meten çò que l'ac semble, açò ei valid tanben pes “cutre-pactos” de partits e damb açò me referisqui a Esquèrra e es sues baishades de pantalons, les hèn dehòra deth govèrn e dempús pèrden eth cu entà tornar-i. Veiram quini estonaments mos depara eth Conselh.

Era bona noticia d’aué:

• Es mies precioses entrades entà veir The Police eth 27 de seteme

Walking on the moon

Nevermind

Hège temps que non gaudie de “vacances" damb tota era sua estenduda, ei a díder non hèr arren, non córrer per aeropòrts o carretères, sonque gaudir des hilhs, deth embaràs dera hemna, de liéger, de veir cine, en conclusion de gaudir deth pròplèu sense estrés.

Non sabi per Aran com estaràn es carrèrs, mès per aguesti larèrs estan toti hèti un hàstic, toti auçadi, toti vallats ... serà que i a eleccions d’aciu a pòc? Continue en tot deféner qu'aguesti politics son reaument estúpids, autant de bon se pensen que s'en tres ans non an hèt arren ara as pòrtes des eleccions mos vòlen demostrar que hèn fòrça causa e que se preocupen per toti nosati plan, toti inauguraràn mil causes cap aquiu eth vinta... de mai en vistes a qu'eth dia 27 mos rebrembam d’eri. Be, toti non, en Bossòst pogui méter era ma ath huec qu'aquiu delà çò que se ditz invertir non ac haràn, es carrèrs ja estan auçadi mès per desídia non per ua auta causa.

Tornam tad Aran, ei trist veir coma eth ciberespai aranés se nodreix des de l’exterior (casi coma eth mèn o quauque companh des deth cap-lòc... serà qu'auem nostalgia? o serà que mos preocupam mès qu'es que i viuen?) e non i a cap prepausa des de laguens madeish de l’Aran. Aquiu sonque i a dus fronts totaument opausadi, un l’espaci colomines-companys e l’aute l’espaci boya-alós, toti dus son part implicada enes pròplèus eleccions, eth prumèr pr'amor que sòn sòu depen de qui guanhe (se guanhe l’oposicion poderà profitar entà aprigondir en univèrs occitan e toti li estaram arregraïdi, harà prètzhèt mès profitosa que non l’actuau, de tot còr, toti i gesseram en tot guanhar eth er prumèr, probablament economicament non mès personalament òc), eth dusau pr'amor qu'ei eth candidat a Sindic d’Aran pera quèrra aranesa.

Non i creigui qu'aguesta oposicion sigue agra e plea d’auto-òdi tau coma defensa Joan-Ramon (cèrt ei qu'ac viui des dera distància) mès se reaument siguesse atau semble qu'an metut reaument eth dit ara “llaga” e açò hè mau, sanitat, cultura, immigracion, se'e ja ac deisharam per pròplèus capítols mès era realitat ei que fins ara çò qu'a hèt eth Conselh respècte a tot aquerò o ac an hèt fòrça mau o simplament non an hèt arren. Anar a sac? contra qui? contra l’oposicion? se siguesse ua oposicion coma era fastigosa actuau espanhòla jo tanben ac pausarie, mès me semble qu'aciu non començam a jogar net, ja ac podetz ben díder, es eleccions en Aran non son coma es catalanes, aciu non podem anar damb enganhes pr'amor que toti mos coneishem, tanpòc creigui en çò “travestisme politic aranés” en cap des dus grani partidi CDA o UA, simplament toti dus partits se pausen enes sòns corresponents catalans CDC e PSC entà trèir sòs (atau de trist) non per afinitat politica pr'amor que ben pòc ha a veir era realitat e eth sentiment catalan damb l’aranés.

Non volem esser un país? pues hiem es causes a lo grana, hiem un debat televisat des dus candidats a Sindic.

Smells Like Teen Spirit