Arrebrembi ua anecdòta preciosa un dia en Senegal. Èrem tota era còlha esdeshuant, aqueth dia ère er anniversari de Yolanda.Mos hège illusion poder hèr bèra sòrta de pastel entà celebrà'c. Non tostemp se hen ans ath miei d'Africa. Pape Mos didec qu'eri aquiu non ac celebrauen e que mos costarie trobar pastels, mès valie deishà'c córrer. E atau siguec...
Tàs nau dera net mos amasérem toti de nau entà compartir eth sopar, quan anàuem tà hèr un te, subitaments, partís era lum der otèl. Ath moment vedem coma tanben s'amorten es lums de tot eth barri, e dempús tot çò que veiguiem de Ziginchor. Causa abituau en Africa. Non hérem cas. Ja tornarà era lum...
Ua menuta dempús apareishec un joen damb un magnific pastel blanc e vint-e-nau espelmes alugades.
Dues menutes mès tard Ziginchor recuperaue era lum per tot...
Vertat que i a istòries precioses?
Bona net,
Without blame
Escrits
1 comentarios:
Eth tón títol m'a retardat un shinhalon, me pensaui qu'auies cambiat d'idiòma tà l'anglés...
E puish finaument que sò vengut...E non me n'empenedisqui bric! Òc, aquera istòria ei preciosa!
Publica un comentari